-
Teknikkimut avatangiisinullu Immikkoortortamut akuersissummik qinnuteqassaatit.
-
Qitsuutit kommunimi nalunaarsorneqassaaq. Kommunimiik allamut nuussaguit qitsuutillu nassarlugu, qitsuutilluunniit toqunneqarpat, qitsulluunniit allamut tunniukkukku nalunaarutigissavat taamaasilluni qitsuk nalunaarsuiffimmiik peerneqarniassammat imaluunniit piginnittoq nutaaq allanneqarniassammat.
-
Qitsuutit perlerornermut akiuussutissamik ukiut pingasukkaarlugit kapitittassaaq.
-
Qitsuit (angutivissat) issuersissimassapput, (arnavissat) mannissaartissimassapput naartunaveersaatilluunniit atorneqarsinnaallutik.
Kommunip qitsuit pillugit ileqqoreqqusaa atuaruk. Soorlu assersuutigalugu qitsuit pituutaqaratik silami angalaqqusaanngillat, illup iluaniitiinnartariaqarput imaluunniit silatissinni iniliuussinnaavat.
Qitsuit angalaannartut qimmilerisumit pisarineqarsimasut ullut pingasut paarigallarneqartarput. Tamatuma kingorna piginnittuisa aasimanngikkunikkit toqunneqartarput. Kommunip sannaviata matuanut qitsuit assiinik ikkussisoqartarpoq.
Naartunaveersaatit p-pillet innuttaasunut sullissivimmi pisiarineqarsinnaapput. Qitsuk akiuussutissamik kapitinniarukku, akiuussutissaq innuttaasunut sullissivimmi akilissavat qimminillu nakkutilliisoq attavigalugu, taamaasillutit akiuussutissamik kapitinnissaanut piffissamik sumiiffissamillu isumaqatigissallugu.
Qitsuutit naartusinnaajunnaarsinniarukku issuertinniarukkuluunniit Nuummi dyreklinik attavigissavat. Qitsuk Nuummukaattariaqassaaq. Tamannali pitinnagu uumasut nakorsaat isumaqatigeqqaassavat.
Qitsunnik qitsuaqqanillu toqutsineq qimminik nakkutilliisup isumagisarpaa.
Qitsummik eqqussiniaruit soorlu assersuutigalugu Qallunaat Nunaanniik, taava Namminersornerullutik Oqartussat uumasuutinik immikoortortaqarfik Aalisarnermut, Piniarnermut Nunalerinermullu Naalakkersuisoqarfiup ataaniittoq saaffigissavat. Imaluunniit nittartagaanni paasissutissat takukkit.
Qitsuuteqarsinnaanermut akuersissuteqarneq pillugu, kommunip maluginiaqquaa, INI A/S-ip inissiaataani najugallit INI-minngaanniit immikkut ittumik akuersissummik piniassasut, unalu adresse oqarasuaatillu normua aqqutigalugit attavigineqarsinnaapput: A/S Boligselskabet INI, Mannorsip Aqq. 20, Postboks 1020, 3911 Sisimiut, tlf. 70 10 00. Taamatuttaaq malugeqquneqarpoq tassunga tunngatillugu INI kisimi aalajangiisuusussaammat.